ព្រះសីហនុ៖ កងរាជអាវុធហត្ថខេត្តព្រះសីហនុកសាងសំណុំរឿងជនសង្ស័យចំនួន ២០នាក់បញ្ជូនទៅសាលាដំបូងខេត្តព្រះសីហនុ ក្រោយបញ្ចប់ការសាកសួរពាក់ព័ន្ធបទល្មើសពាក់ព័ន្ធជួញដូរនិងរក្សាទុកគ្រឿងញៀនដោយខុសច្បាប់ នារសៀលថ្ងៃទី២១ ខែមិថុនា ឆ្នាំ២០២២។
នាយការិយាលយ័ប្រឆាំងគ្រឿងញៀននៃកងរាជអាវុធហត្ថខេត្តព្រះសីហនុ លោកវរសេនីយ៍ត្រី ឡុង គឹមហួរ បានបញ្ជាក់ ថា ក្នុងចំណោមមនុស្សទាំង២០នាក់នោះមានជនជាតិចិនម្នាក់ផងដែរ ដែលឃាត់ខ្លួនបាននៅថ្ងៃទី១៨ និង១៩ ខែមិថុនា ដែលចាប់បាននៅទីតាំងចំនួន ៤ខុសគ្នាក្នុងខេត្ត។
ពួកគេទាំង២០នាក់ត្រូវបានកម្លាំងកងរាជអាវុធហត្ថបញ្ជូនខ្លួនទៅតុលាការជាបន្តបន្ទាប់ផងដែរតាំងពីថ្ងៃទី១៧ ខែមិថុនា រហូតដល់ថ្ងៃទី២១ ខែមិថុនា៕
